Stefna og viðbragðsáætlun Tónmenntaskóla Reykjavíkur gegn einelti, ofbeldi, kynferðislegri og kynbundinni áreitni.
Öll hegðun af þessu tagi er alvarleg og getur haft margvíslegar og afdrifaríkar afleiðingar. Starfsmenn og nemendur skulu ávallt sýna hver öðrum kurteisi og virðingu í öllum samskiptum. Komi upp eineltismál skal brugðist strax við.
Öll samskipti einkennast af gagnkvæmri virðingu og vinsemd.
Nemendur og starfsfólk eiga að finna hlýju og öryggi í skólanum.
Við tökum ábyrgð saman og styðjum hvert annað.
Griðastaður þar sem enginn þarf að óttast.
Segðu skólastjóra, aðstoðarskólastjóra eða trúnaðarmanni frá málinu. Munnlega eða skriflega.
Tilkynningin er metin í trúnaði og ákvörðun tekin um næstu skref í samráði við þolanda.
Óformleg eða formleg aðgerð: viðtöl, stuðningur og tillögur að lausn.
Fylgst er með líðan málsaðila og tryggt að aðstæður breytist til batnaðar.
Öll mál eru tekin alvarlega og unnið með þeim í fyllsta trúnaði.
Það er stefna Tónmenntaskóla Reykjavíkur að einelti, kynferðisleg áreitni, kynbundin áreitni og annað ofbeldi verði ekki liðið í skólanum.
Öll hegðun af þessu tagi er alvarleg og getur haft margvíslegar og afdrifaríkar afleiðingar fyrir þá sem verða fyrir því.
Starfsmenn og nemendur skulu ávallt sýna hver öðrum kurteisi og virðingu í öllum samskiptum.
Komi upp eineltismál skal brugðist strax við.
Samkvæmt 3. gr. reglugerðar nr. 1009/2015 um einelti, ofbeldi, kynferðislega og kynbundna áreitni.
Er síendurtekin hegðun sem almennt er til þess fallin að valda vanlíðan hjá þeim sem fyrir henni verður, svo sem að gera lítið úr, móðga, særa eða ógna viðkomandi eða að valda honum ótta. Skoðanaágreiningur eða ágreiningur vegna ólíkra hagsmuna fellur ekki hér undir.
Til að hægt sé að tala um einelti þarf það að vera endurtekið og sá sem fyrir eineltinu verður á erfitt með að verja sig.
Er hvers kyns hegðun sem leiðir til, eða gæti leitt til, líkamlegs eða sálræns skaða eða þjáninga þess sem fyrir henni verður, einnig hótun um slíkt, þvingun eða handahófskennda sviptingu frelsis.
Er hvers kyns hegðun sem er í óþökk þess sem fyrir henni verður og hefur þann tilgang eða þau áhrif að misbjóða virðingu viðkomandi, einkum þegar hegðunin leiðir til ógnandi, fjandsamlegra, niðurlægjandi, auðmýkjandi eða móðgandi aðstæðna. Hegðunin getur verið orðbundin, táknræn og/eða líkamleg.
Er hegðun sem tengist kyni þess sem fyrir henni verður, er í óþökk viðkomandi og hefur þann tilgang eða þau áhrif að misbjóða virðingu viðkomandi og skapa aðstæður sem eru ógnandi, fjandsamlegar, niðurlægjandi, auðmýkjandi eða móðgandi fyrir viðkomandi.
Til að fyrirbyggja einelti, kynbundna áreitni, kynferðislega áreitni og ofbeldi eiga skólastjórnendur Tónmenntaskólans að ganga á undan með góðu fordæmi. Í því felst meðal annars að:
Telji starfsmaður eða nemandi sig verða fyrir ótilhlýðilegri háttsemi af hendi samstarfsmanns er mikilvægt að hann láti meintan geranda eða gerendur vita að honum mislíki framkoma hans í sinn garð og óski eftir að slík hegðun endurtaki sig ekki.
Ef sá sem telur sig hafa orðið fyrir einelti, ofbeldi, kynferðislegri eða kynbundinni áreitni í skólanum eða hefur rökstuddan grun eða vitneskju um slíka hegðun treystir sér ekki til að koma slíkri ósk á framfæri við meintan geranda skal hann snúa sér til skólastjóra eða aðstoðarskólastjóra og upplýsa þá um stöðu mála. Að því loknu hefst málsmeðferð og er þar lagt mat á stöðu málsins.
Til þess að auðvelda vinnslu máls eru starfsfólk og nemendur hvött til þess að skrá hjá sér atvik og hegðun sem um ræðir. Skrá ætti tíma og dagsetningar, nöfn þeirra sem voru viðstaddir ef við á og aðstæður þegar atvik átti sér stað. Tilkynning um einelti, ofbeldi, kynferðislega eða kynbundna áreitni getur verið munnleg eða skrifleg. Við meðferð tilkynninga sem berast er fyllsta trúnaðar gætt.
Skólastjóra sem fær tilkynningu um einelti, ofbeldi, kynferðislega eða kynbundna áreitni ber að kanna málið og bregðast við. Ef skólastjóri getur af einhverjum ástæðum ekki tekið á málinu skal hann vísa því til aðstoðarskólastjóra. Starfsmaður eða nemandi sem verður fyrir óviðeigandi hegðun af þessu tagi getur einnig kosið að snúa sér beint til aðstoðarskólastjóra eða trúnaðarmanns kennara.
Fyrstu viðbrögð þess aðila eiga að felast í því að meta þörf starfsmanns fyrir stuðning og í framhaldi af því er tekin ákvörðun um næstu skref. Starfsfólk er beðið að virða trúnað og persónuvernd og ræða málið eingöngu við þá sem hafa með það að gera meðan á vinnslu þess stendur.
Þegar tilkynnt er um einelti, ofbeldi, kynferðislega eða kynbundna áreitni eru tvær leiðir færar. Sá aðili sem fer með úrlausn málsins ákveður í samráði við þolandann hvert framhaldið verður. Annars vegar er hægt að grípa til óformlegra aðgerða, hins vegar er hægt að grípa til formlegra aðgerða.
Mál er rannsakað með óformlegum hætti ef sá aðili sem verður fyrir einelti, ofbeldi eða áreitni kýs svo. Ef mögulegt er skal byrja á því að reyna að leysa málið með óformlegum hætti.
Mál er rannsakað með formlegum hætti ef þolandi kýs svo og einnig ef tilraunir til að leysa það með óformlegum aðgerðum hafa reynst árangurslausar. Þá skal starfsmaður leggja fram skriflega kvörtun við skólastjóra eða aðstoðarskólastjóra, ásamt gögnum sem starfsmaður telur styðja trúverðugleika hennar.
Æskilegt er að kvörtun sé lögð fram innan þriggja mánaða frá því að viðkomandi telur að óæskileg framkoma samstarfsmanns hafi átt sér stað. Kvörtunin fer í eftirfarandi formlegt ferli:
Upplýsingar sem verða til og varða aðila málsins skulu vera aðgengilegar viðkomandi aðilum. Tekið verður á fölskum ásökunum um einelti, kynbundna áreitni, kynferðislega áreitni og ofbeldi af sömu festu og þessari hegðun almennt.
Skólastjóri, aðstoðarskólastjóri eða trúnaðarmaður fylgist áfram með líðan málsaðila og aðstæðum. Viðbragðsáætlun er endurskoðuð reglulega og í samræmi við reynslu af vinnslu mála sem tilkynnt er um í skólanum.
Samskipti á vinnustað skulu ávallt einkennast af gagnkvæmri virðingu og vinsemd. Þau eiga að vera á faglegum nótum þar sem málefnaleg umræða á sér stað og uppbyggileg gagnrýni. Starfsmenn bera ábyrgð á eigin líðan og framkomu sem stuðlar að betri menningu innan skólans í heild.
Starfsmenn eiga að vera meðvitaðir um birtingarmynd óviðeigandi hegðunar. Það felur meðal annars í sér neikvætt tal við og um aðra starfsmenn, mismunun, ljótt orðalag, hækkun á rómi og fleira sem getur valdið neikvæðri upplifun. Mikilvægt er að allir séu meðvitaðir um að einelti og áreitni geta einnig komið fram í samskiptum, orðalagi og svipbrigðum.
Einelti getur tekið á sig ýmsar myndir og til að uppræta það er nauðsynlegt að hafa skilning á flóknum samskiptum milli einstaklinga og ólíkum hlutverkum sem hver og einn gegnir. Helstu hlutverk sem geta komið fram eru eftirfarandi:
Beitir líkamlegu og/eða andlegu ofbeldi gagnvart öðrum, oft og ítrekað gagnvart sama aðila. Getur falist í skemmdum á eigum, uppnefnum, líkamsmeiðingum, félagslegri útilokun og fleiru.
Aðstoðar geranda og tekur beinan þátt. Getur tekið þátt vegna ótta við geranda eða löngunar til meiri vinsælda. Oft á móti því sem er í gangi en tekur engu að síður þátt.
Fylgist með úr fjarlægð, tekur ekki beinan þátt en hvetur með látbragði, hlátri eða orðum. Telur sig ekki bera ábyrgð.
Fylgist með en vill sem minnst af því vita. Skiptir sér ekki af og kemur þolanda ekki til hjálpar.
Kemur þolanda til hjálpar, ver hann og mótmælir eineltinu. Getur lagt sjálfan sig í hættu gagnvart hópnum, en er mikil aðstoð fyrir þolanda.
Sá sem stríðni og einelti beinist að. Líður oftast illa og kvíðir því að fara í skólann.