Nú er lokaspretturinn í skólastarfinu hafinn.

   Stigsprófum í tónfræði lauk í vikunni 26.-30. mars. Framundan eru stigspróf og áfangapróf í hljóðfæraleik dagana 2.-4. maí og aftur síðar í maí, dagana 22.-23. maí.

Laugardaginn 28. apríl kl. 13:00 verða Vortónleikar skólans í salnum á Lindargötu 48.

   Laugardaginn 5. maí kl. 17:00 verða haldnir sérstakir hátíðartónleikar í salnum Kaldalóni í tónlistarhúsinu Hörpu. Þar koma fram núverandi nemendur í Tónmenntaskólanum og fyrrverandi nemendur skólans sem eru allir eru atvinnutónlistarmenn, flestir í Sinfóníuhljómsveit Íslands. Er þar um mjög fjölbreytta efnisskrá að ræða. Aðgangur er ókeypis og viljum við hvetja foreldra til að sækja þessa tónleika og sýna þar með stuðning við skólastarfið.

   Með þessum tónleikum lýkur þó ekki skólastarfinu því tónfræðatímunum lýkur 11. maí og hljóðfærakennslunni lýkur 18. maí.

   Að því loknu er almennur frágangur, kennarafundir, starfsdagar og sérstakir dagar fyrir endurtekningarpróf og sjúkrapróf. Útskrift þeirra nemenda sem útskrifast úr 6.-8. bekk skólans og skólaslit verða fimmtudaginn 31. maí.

    Við erum langt komin með að undirbúa næsta skólaár, sem mun eins og þetta skólaár einkennast af aðhaldi og niðurskurði vegna samdráttar á opinberum framlögum.

     Samt er það svo, að enn getur skólinn tekið við einhverjum nemendum og skal hér talið upp hverja við getum innritað fyrir skólaárið 2012-2013.

• Nokkra nemendur fædda 2006 ( 6 ára ) í Forskóla I
• Örfáa nemendur fædda 2005  ( 7 ára ) í Forskóla II
• Nemendur á aldrinum 8-10 ára sem eru teknir beint í hljóðfæranám án undangengins forskólanáms. Þessa nemendur er aðeins hægt að taka á biðlista sem stendur. Þar er hægt að komast að á biðlista á eftirfarandi hljóðfæri:
• Strengjahljóðfæri, þ.e. fiðlu, selló og gítar.
• Einnig á biðlista í fiðluforskóla ( 6-7 ára börn ).
• Einnig er hægt að skrá sig á biðlista á píanó og harmóníku.
• Einnig er hægt að skrá sig á biðlista á þverflautu, klarínett og saxófón.
• Að síðustu er hægt að skrá sig á biðlista á ásláttarhljóðfæri ( slagverk )

   Ef einhver óskar  eftir að sækja um skólavist nk. haust fyrir nemanda, vinsamlegast sendið bréf

( EKKI TÖLVUPÓST ) þar sem fram kemur nafn nemanda og kennitala, nöfn foreldra og kennitala, heimilisfang, sími og GSM símar, einnig tölvupóstfang.

   Ef barnið er 8 ára eða eldra tilgreinið hljóðfærið sem óskað er eftir að læra á. 6 ára börn innritast í Forskóla I og  7 ára í Forskóla II.

   Það skal tekið skýrt fram, að til  þess að umsóknin teljist gild er nauðsynlegt jafnframt að skrá nemandann á RAFRÆNA REYKJAVÍK ( aðgangur fæst í þjónustugátt hjá borginni ) og er þá nauðsynlegt að Tónmenntaskólinn sé settur í fyrsta val.

  Vinsamlegast sendið umsóknina í pósti til skólans, Tónmenntaskóla Reykjavíkur,

Pósthólf 5171. 125 Reykjavík

Haft verður samband við umsækjanda fram að sumarleyfi ( sem hefst 13 júní ) eða  eftir að skrifstofa skólans opnar aftur í ágúst.

Skólastjóri